عيش ندل تموت مستور (كما قال مصطفى كامل كن ندلا ما دمت حيا )

فى الاول كده مش هتكلم كتير عشان نعرف اراء الناس الحلوين فى الكلام ده الا وهو


(الندااااااااااااااااله بعدين نتكلم عن الغتاته )
فى الاول كده خليكو معايا
• إمتى حسيت إنك اكبر ندل في الحياة
• إمتى بصيت لنفسك في المرايه وقولت (لامؤخذه) انا واطي
•
تفتكر حضرتك ان النداله عاده مكتسبه من المجتمع والناس الي حوليك ولا هوا شئ اصيل جوا شخصيات معينه
• يا تري مره حصلك موقف وكنت مجبر علي انك تتقمص دور الندل فيه
• علي رأي بوحه علل النداله.. قصدي ايه معني النداله من وجهة نظر حضرتك
• لو حسيت ان حد بتحبوا او صحبك الانتيخ جدا عمل معاك حركة ندالة جمده يا تري رد فعلك هيكون ايه ..هتسامح مثلا ؟
•
لو مره حصل موقف كنت فيه ندل غصب عنك هتزعل بعدها ولا هتكبر الجي وتروق الدي
*******ندخل فى الموضوع بقى
عاوز تتعلم النداله ابدأ فى بيتكم واستندل مع اى حد اخوك اختك ابوك اى حد نداله بقى مش فارقه
((((((((((((لو انت تعبان ومش عارف تنام واخوك مثلا نايم ومستمخ فى النوم وانت حاقد عليه يبقى نعمل ايه استندل من غير تفكير))) امشى معايا واحده واحده

1) اذا كان في عز نومه وانت مانمتش أو مش جايلك نوم ادخل الغرفه وشغل النوووور
واطلع بمنتهي البرود ولا كأنك عملت حاجه خاااااالص
إذا كان نومه خفيف هايصحي وقولك ( إطفي النور يا حيوان ) طبعا إحنا اتفقنا اننا باردين ونفض زى ما قال نيوتن
((لكل فعل تنفيضه مساويه له فى المقدار ومضاده له فى الاتجاه))

أما لو كان نومه تقيل يبقي تستعمل الطريقة رقم 2
2 ) إكتشف إن في بيتكم سرير وعايز تتأكد إن كل حاجه تمام و إن السرير يعنى الرجول جامده مافيش حاجه ملخلخه كده يعنى وطبعا السرير ده هو اللى اخوك نايم عليه واقعد خبط فى السرير واقلبه بيه بس يا سلام لو نايم وجنبه اى حاجه حاده خلى بالك من دماغك وساعتها الجرى كل الجدعنه ولا ايييييييييييييييه
3) اذا كنت مقهــــــــور من واااحد ناايم العصر او الظهر أدخل الاوضه
وغطيه كويس و إقفل المكيف واطلع وماتنساش تقفل الباب والشباك وياسلام لو فى دفايه شغلها على اعلى حاجه وسيبه بقى ربنا يتولاه

4) لو كان لسه ماقامش !!! اوعى تيئس إنما بهدوء
حط ايدك على الراديو وشغل محطه خرباااانه و يا
حبذا لو كانت بتاعت أغاني هابطة من نوعية
( حبيبي فوق حبيبي تحت حبيبي رايح حبيبي جاي )
وعلي الصوووت على الآخر و امشي إنت كمل مشاهدة التليفزيون


لو ما صحاش فى حركه جامده جدا خليه نايم وجيب ورقه اعملها قرطاس وحطها فى مابين صوابع رجله وولع فيها طبعا انتوا عارفين هيحصله ايه برده نرجع ونقول ربنا يتولاه



واذا مانجحتش كافه الطرق اللي فوق... تأكد انه مش آدمي . . خليه نايم وحاول تلاقى حد يستندل معاك ويخبطك على دماغك يمكن تنام


للحديث بقيه لان النداله ما بتخلصش وموجوده كتييييييييييييييييييييييييييييير اوى
وللنداله وجوووووووووه كثيره