تقاليد الجواز في مصر من اول عريس فرعوني لغايه خليك كول يا مان

من طرف اتش الأحد أبريل 05, 2009 2:53 pm

طرق الزواج

مصر الفرعونية

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان هدية..
مبروك يا تاح

مصر فى عصر الرومان

تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك يللا

مصر بعد الفتح الاسلامى

ولدى خالد يا شيخ احمد بيريد يتجوز ابنتك البكر الكريمة.. وبيبنى خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج لبنتى ..

وكما قال رسول الله صلى الله عليه وسلم ' ان جاءكم من ترضون دينه وخلقه فزوجوه ' ....

قيموا الافراح

مصر 1919

انت ح تتجوز بنت الحاج عبد الجليل .. انا كلمته خلاص ووافق .. وضب قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص حاضر يابا

مصر 1960

بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى

مصر فى عصر الانفتاح

اخرسى يا بنت... انا اللى يتجوز بنتى لازم يكون عنده شقة تمليك وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام ما
بنلاقيش ناكل.. انا يا بنتى مش عايزاكى تتعذبى زى ما احنا اتعذبنا.. انتى
ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما

مصر 1990

البنت: بابا ريكو حييجى يقابلك بكره وهو راجع من المول مع ديدى متتكلمش
معاه فى اى ماديات من فضلك انا بشترى راجل واحنا معانا كتير وبعدين الكلام
فى المهر والعفش والقايمه والفرح ده موضه قديمه وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى على الضيق كده وانا جيت اعزمك انت ومامى
الاب: مبروك يا حبيبتى

مصر 2008

بابى دودى اللى اتعرفت عليه من الشات مشغل الويب كام و عايز يكلمك علشان
يقراء معاك الفتحه اصله ملتزم اوى و مصمم يدخل البيت من ماسنجره اقصدى من
بابه
الاب: على خيرة الله يا بنتى ده شكله فعلا ملتزم روحى شغلى الكاميرا و
الميك واناهلبس انا و مامتك ونجى نقراء الفتحه مش انتوا اتفقت على كل شى
يا روحى يلا ربنا يتمملكم بخير

وصباح الخير يا مصر

من طرف ملاك الحب الأحد أبريل 05, 2009 4:33 pm

صباح اللي بتغني
ههههههههههههه
والله موضوع حلو بس التسيب ماوصلش لكدة
طب وفي 2009 بيحصل ايه عشان اعمل حسابي
وابقي عارفة هتصرف ازاي هههههههههههه
مشكووووووور يا إتش وعايزة نفتح حوار بين
الشباب والبنات كل واحد يقول رأيه في الطرف التاني
إيه اللي شباب بيحبوه يكون في البنت وايه اللي بيضايقهم
والعكس عشان نقرب وجهات النظر وكل واحد يعرف يتعامل صح

من طرف اتش الأحد أبريل 05, 2009 9:19 pm

شكرا علي مرورك ملاك الحب وفعلا فكره جميله عايزين نعملها

اشطة اشطة يا اتش على الكلام الجامد
انا رايح اجهز المايك والكام ودور بقى على عروسة
ولا اقولك انت سلفني العروسة والمايك والكام وانا اتجوز
هههههههههههههههههههههه
اية الناس دي

من طرف اتش الإثنين أبريل 06, 2009 1:09 am

ههههههههههههههههههههههههههههه
شكرا علي مرورك ملك الحب والرومانسيه

من طرف **سندريلا** الثلاثاء أبريل 07, 2009 4:08 am

انا باه هاقولكم ايه يحصل فى 2009

البنت: صباح الخير يابابا صباح الخير ياماما
ها هانفطر دلوقتى علشان اصحى حماده
لانه نام امبارح من غير عشاء

الاب: حماده مين حبيبتى

البنت: حماده يابابا المز بتاعى

الاب : يعنى هو حماده شويا يجى وشويا يروح
يابنتى ياحبيبتى لازم تعرفى مصلحتك
لازم تحافظى على المز بتاعك
وتاخدى بالك منه
يلا صحى يفطر حبيبتى الواد مااتعشاش

الام: ربنا يوفقكم ياحبيبتى يارب

ميرسى اتش
وتقبلى مرورى البسيط