ياما انت كريم يارب

في الشوارع والدروب والمساكن
الخوف جوه القلوب تملي ساكن
اشباح واخده الأمان سارقاه
احزان سارقه الفرح خاطفاه
قلبي تعب ومين تعب معاه؟
تعبنا كلنا لكن

واثقين كلنا في ربنا

هو الأحن.....وقت المحن.....وقت الدنيا ما تعشق ذلنا
والمووت اكمن....ما يعرف سن....بيضيع الغالي من وسطنا

وادينا بنحاول نتفائل ولو دقايق
تصحى احلامنا تلعن كل الحقايق
وندور على حتة امل صغير
فيه نستخبى لحد ما الخبر يتغير
على فكره الطريق للفرحه قصير
لكن طول مانت ماشي هتتضايق

خليها على ربنا

هو المعين....الصبر يا بني ادمين.....اكيد هنتقابل بعد عمر طويل
في ناس بتوحشنا....ملامحها ف وشوشنا....يا غاليين علينا صبرا جميل


ياريت كانت دموعنا حل
والرجوع يصبح شئ سهل
لازم هنرضى بالمحاكمه
عارفين اصعب ما ف الحكمه
فراق حد اتعودت تشوف عينيه

صبر يارب قلوب عاشت فرعب
فضلت تصلي تقول يا مانت كريم يارب


--------------------



هفضل انــــا