رجاله الايام دى (سيدى يا سيدى على الرجاله)

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2- يااااه ياحبيبتى انا حاسس انى اعرفك من زمان
( وهوا تلاقيه متلخبط بينها وبين بنت كان يعرفها قبل كده )

3- حاسس ان فيكى حاجه غريبه غير كل البنات
( اكنها مثلا بتمشى على ايديها ورجليها )

4- انا حاسس ان فى شبه كبير بين افكارى و افكارك احنا اكيد مخلوقين لبعض
(اكيد دى البنت رقم 100 اللى بيقولها كده وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6- يااه يا حبيبتى انتى تؤمرى وانا انفذ اللى انتى عايزاه اجبهولك
( فى المشمش )

7- حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
( طبعا فاهمين الحركات دى تلاقيه مش عاجبه اساسا)

8- هكلم باباكى اول ماكًون نفسى
(موووووووووووت يا حمااااااااااار )


9- عايز اشوفك كل يوم كل ساعه كل ثانيه
( عشان اصحابه يتأكدو انها حلوه )

10 - حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان

(بففففففففف الاسطوانه المشروخه )

11- انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
( يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12- معلش ياحبيبتى مش هقدر اعدى عليكى بالعربيه النهارده علشان هيا فى التوكيل
( طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه ده لو عنده اصلا )

13- ياحبيبتى انتى بتتكلمى فى أيه انا كل عطورى من فرنسا
(اكيد فرنسا ده جمب عم سيد البقال )

14- ياه لما بشوف رقمك على الموبيل قلبى بيتنفض

(طبعا من الخضه انها تكون فأسته)

15- فلان قالى اديله رقمك بس انا قلتله اقتلنى قبل ماتاخد رقها منى
( ياااااه على التضحيه وهى ياعينى رقمها مع مخاليق ربنا كلهم )

16- حبيبتى عايز صورتك عشان قبل مانام اشاهد فى جمالك واحطها تحت المخده
( لا وهو الصادق عشان لما يتخانقو يهددها بيها )

17- اسف يا حبيبتى امبارح مقدرتش اكلمك كنت مشغوووول فى المذاكره
( قصده معهوش فلوس او مشغول مع واحده تانيه )

18- اسف يا حبيبتى انى مقدرتش اجى فى المعاد امبارح كان عندى ظروف صعبه
( معزور الولد افتكر معاد البنت التانيه اللى بقاله 3 اسابيع مأجله )

19- عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه )


20- عارفه يا حبيبتى انا اصلا مش بفتح الماسنجر الا لما بتكونى موجوده اصلا النت من غيرك ما يسواش
)يقصد مش بيفتح البلوك عنها الا اما تكون هيا بس الى اون لين عنده(

21- حبيبتى انا ماستهلكيش
)يييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه (

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل )

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)


26- أنا مانفعش ارتبط بواحده مشيت معاها
( ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش )

28- انتى اكتر حد حبيته فى حياتى بس برده زى ماقولتلك مش هاينفع نكمل
( لا تعليق )

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه )

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
( لا ماهو واضح )

31- يقول لخطبته :"يا اغلى حبيب"
دي معناها ان في لسته قبليك يعرفهم
32)يبقى في الشغل ويتصل هااا هناكل ايه من الايدين الحلوة دي النهارده؟
معناها انتي في الزباله المهم الاكل "بيتصل يطمن على الاكل"على معدته طبعاً
34)يرن التلفوووووووون فيقول "مترديش لان ده صاحبي انا ال هرد عليه "اصلي بغير عليكي""ال بيغير
ابصم بالعشرة ان مكنتش وحده وهو مش عاوزها تبقى سنه سووده لتعرفي
35)"مقدرش اعيش مع حد غيريك "
طبعا هو فيه حد هيستحمل الطباع دي ؟؟!!!!!!
36)"ربنا يقدرني واعمل ال يرضيكي"
يعني مفيش وكلمة وحده على بيت اهليك" ال يقدرني ال
37)"ده انتي ام العيال"
يعني انتي كبرتي خلاص لازمني وحده صغيورة تدلعني
38)انا مسافر شهر عمل وراجع متتعبيش نفسك وتتصلي لاني بيكي مشغوووول
الجملة الصحيحة انا مسافر شهر عسل ومش وراجع متتعبيش نفسك وتتصلي لاني بغيرك مشغووووووووول"مش فاضيلك انتي كمان"
39)انتي على راسي من فووووق
ومع السنين هيقرع وتتزحلقي انتي من على راسه وتيجي غيرك ويبقى يلبسلها برووكة بقى "عشان متتزحلقش من اولها كده"هههههههه
40)يااااااه انتي النهارده جميييلة اوي كده ليه؟
يعني طول عمرك معفنه جات على اليوم ده؟؟؟
41)هفضل معاكي طوووول عمري ونعمل عيله
هو هيعمل عيله صح بس مكونه من 4 ستات مكدبش عليكي هيعمل عيييله"
ـــــــــــــــــــــــــــــــــ ـــــــــــــــــــــــــــــــــــــــــــــــــــــــــــــ


شوفوا بقى الولاد بتعمل ايه لما يحبوا ينفضوا لواحده ــــــــــــــــــــــ ويا ريتهم بيعرفوا يسبكوها صح

-اصل انا اشتريت خلاط جديد و عايز اقعد اتدرب عليه
2-اصل انا عايز اتفرج على برنامج خلف الاسوار ,عاملين حلقه مع تامر حسنى
3-ابن خالتى سايب القطه بتاعته عندى و لازم اقعد معاها عشان عندها اكتئاب
4-فيه احتمال ان امريكا تضرب البلد النهارده
5-انا وصلت فى لعبه سوبر ماريو ل "ليفيل"صعب ...محتاج اقعد النهارده اركز شويه
6-انا رتبت اوضتى النهارده الصبح و بعدين اكتشفت انى وضبتها غلط , فاهضطر اقعد ارتبها من اول و جديد
7-بيقولك فيه مظاهرات فى البلد ..مش هاينفع نخرج
8- لازم اروح القسم ...كلمونى الصبح و قالوا لى عايزينك خمسه ...ادعيلي
9-مشغول النهارده ..اكتشفت ان التلاجه مليانه معلبات ...لازم اقعد اشوف تواريخ الصلاحيه و الانتهاء بتاعت كل واحده
10-غسلت شرابي و نشرته ,بس فيه فرده وقعت فى بلكونه الجيران , و الجيران مسافرين
11-اكتشفت انى من ساعه مااشتريت الشقه الجديده ما قعدتش فيها ساعتين على بعض ..لازم اقعد فى الشقه شويه علشان نتعود انا و هيا على بعض
12-عندى ميعاد مع الدكتور ,هاروح اعمل فحص كامل , حاسس انى مش مظبوط
13-رخصتى مسحوبه
14-اصل النهارده افتتاح جراج العماره ابعد تجديده ..لازم اكون موجود

15-اصل فيه ريحه غاز فى البيت ...لازم اعرف جايه منين
16-اصل فيه شرخ جامد فى العماره ..خايف احسن تقع علشان كده لازم اقعد الم كل حاجتى علشان ابقي جاهز لو حصلت اى حاجه
17-اصل ماما نازله تشترى كرسي متحرك ,لازم انزل معاها ,انا ما اقدرش اسيبها لوحدها بعد ما اتشلت بسببي
18-اصل حنفيه الحمام بتنقط و لازم اركب لها جلده النهارده قبل ما تغرق البيت
19-اصل انا واخد حكم ست شهور فى شيك ....و لازم اروح اسلم نفسي النهارده
20-اصل النهارده ميعادى مع الحلاق ,بقالى اسبوع مستني يفضى ساعه ,لا مش هاحلق,احنا رايحين نعزى فى ابو صديق مشترك
21-اصل انا اشتريت موبايل جديد ,و لازم احطه فى الشحن 24 ساعه متصلين
22-انا عايز اخرج معاكى بس عقلي الباطن بيقول لأ
23-انا عايز اخرج معاكى ,بس البرج بتاعى النهارده بيقول "مصائب فى الطريق اليك" ..لازم اقعد استناها
24-اصل انا لسه داخل البيت من اخر مره كنا فيها مع بعض
25-اصل النهارده عندى اجتماع مع "رابطه محبي عامر منيب "
26-اصل النهارده لازم اقعد ارد على كل الايميلات اللى جات لى الشهر دا
27-اصل انا مش لاقي فردتين شراب زى بعض
28-اصل انا مكتئب ..روحت النهارده لقيت كل الزرع اللى فى البيت مات
29-اصل انا غيرت كالون الشقه و مش معايا المفتاح الجديد
30-"لو كانت بتكلمك يوم الثلاثاء " ..اصل انا مبحبش اخرج يوم الثلاثاء
31-انبوبه الصمغ ضربت فى ايدى و انا دلوقتى لازق فى الدولاب
32-اخرج ازاى بس ,طب و الناس اللى عماله تموت ف العراق دى ...
33-اصل التلفزيون هايعرض النهارده فيلم مستنيه بقالى كتير ...."الحفيد"
34-اصل انا شاكك ان فصيله دمى b زى ما مكتوب فى البطاقه و لازم اروح اعمل تحليل جديد
35-اصل خالى هرب من السجن تانى
36-اصل النهارده السحب بتاع جوايز "البيت بيتك" و مش عارف ليه ..... حاسس انى هاكسب ..لازم اقعد اتفرج
__________________

وياريتهم بعد كل ده بيعرفوا يكدبوا ولاه حتي يسبكوها صح بلا خيبه هههههههههههههه


بس بنكشفكوا وبشربها بمزاجنا ما بنصدق نخلص من حد بيغرق فى شبر ميه

ــــــــــــــــــــــــــــــــــــــــــــــ ـ
هما دول الرجاله بجد حاجه صعبه اووووووووووووووووووى


الولاد دول حاجة صعبة ...حقيقى
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما
*********
لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
***********
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
***********
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
***********
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
***********
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
**********
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
*********
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه اضطر
*********
لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء
*********
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
*********
شفتوهمادول الولاد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
دى اكبر خدمه ممكن نقدمها احنا البنات ليكو يا شباب يعنى لانكوا غصب عنكوا ما تعرفوش تعيشوا من غيرنا ولو عرفتوا تعيشوا من غيرنا ارجهوا للخدمه دى

(طريقه عمل البيض)


اولا تنزل بسرعه تجيب بيضتين كفايه عليك ـــــــــــــ ثانيا تجرى تولع البوتوجاز بس اوعى تلسع ايدك ــــــــــ
ثالثا حط معاقه سمنه وسيبها تغلى واكسر البيض برقه اكنك بنوته بتخبط ع الباب ــــــــــــــ
رابعا سيب البيض يستوى ماتنساش الملح لو مفيش عيش اجرى على بنت الجيران خد منها عيش فى الاول والاخر بتلجئولنا برده
بالهنا والشفا البيض



سيدى يا سيدى على الرجالـــــــــــــــــــــــــــــــــــــــــــــــــــــــــــــــــــــــه
رجاله اخر زمن

والله حرررام يا جماعه اللى اميره على العرش بتعمله ده احنا شويه و هنتطرد من الممنتدى ومش هيخلونا نرجع الا بجيبه وضفيره ومصاصا سوكا من بتاع زمان دى بس معلش الغلط على الملك اللى مش بيعاقب رعاياه هههههههههه
وبعدين همه الشباب همه اللى طخه والبنات ابيض يا ورد كل حد فى الحلو والوحش الخير والشر

بس عاجبنى ان انتى وملاك الحب فى ضهر بعض دايما هههههههههههه

*********حركــــــــــــــــــــــــــــــــــــــــــــــــــــا ت نص كم من رجاله اليومين دول
**انا مش عايز اضيع مستقبلك واقف قدام سعدتك شوفي حياتك:يبقى عايز يخلع بالطريقه

**انا كنت بره وناسي الموبيل في البيت:يبقى كان مع موزه ومش عايز يرد

**انا كنت بخلاص مشاوير للبيت وطلع عنيا عشان أخلصها:يبقى كان مع أصحابه وأتبسط أخر أنبساط

**أنا دماغى وجعانى ومصدع:يبقى عامل دماغ ومكلف الطاسه

**انا متخانئ مع بابا وسايب البيت: يبقى عايز قرشين سلف

**أنا هسافر يومين مع أصحابي عشان اغير جو:انا زهقت من وشك وعايز اخد أجازه منك

**انا عملت حادثه بالعربيه:يعني أرحميني من مشاويرك

**انا بكلمك طول اليوم وموبيلك غير متاح:يبقى بيسطعبط ومكلمكيش أصلا

**أنا هادخل أنام عشان تعبان:يبقى هيسهر مع أصحابه

**انتي ليه مكلمتنيش النهارده طول اليوم انتي مبتسأليش عليا:يبقى بيتلكك وعايز يتخانئ

**عدت بنت جامده وهوا باصص في الأرض:يبقى جابها من فوق لتحت قبل ماتشوفيها

**عدت بنت شايفه نفسها وبصلها بقرف وقال أيه اللي هيا عملاه في نفسها ده:تبقى عجباه قوي ودخلت دماغه

**لو جيه في يوم وجبلك ورده على غير العاده وقالك كلام حلو:يبقى عامل مصيبه أو هايقولك على خبر منيل

**أنا هسافر أشتغل بره وهبقى اكلمك لما استقر ان شاء الله:يبقى هيغير الرقم وأدي وش الضيف

**انا هنام ولما أصحى هكلمك:يعنى نفضى لنفسك النهارده

المشكه مش بيعرفوا يسبكوها صح ولا ايـــــــــــــــــــــــــــــــــــــه

ميرسى يا برنس على مرورك
بس ما نقدرش على طردكم من المنتدى امال نشاكل مين بس
المنتدى من غيركو طبعا طبعا وحششششششششششششششش انتو الخير والبركه

الله يخليكى ويخليلك البيبيز الهمفرى همفريز هههههههههههههههههههههههه

بس ليه تشاكلونا انتو مش قدنا على فكره احنا نقرقشكو بسنانا

خافو على سنانكو

ya gma3a amera de shklha mosh hatgebha el bar bas ana baghselho be signal hhhhhhhhhhhhhhh

you are agood man
3ashan btghslha b signle